Sapurdagi

Mera hona teri zaat say es tarha say munsalik hay,
keh jaisay kisi saip ki aabro ous k gohar say hay,
Jaisay parchayen ka rabt ous k paikar say hay,
Jis tarha rang-e-ma’y jaam-o-saghar say hay,
Mai agar bolta hon tau teray sukhan ki enayat hay yeh,
Mai agar dekhta hon tau teri nigah ki karamat hay yeh,
Mai agar chup hon teri muhabbat hay yeh,
Mai samandar nahi,
Jo kinaron say niklon tau abadiyon mai qayamat machay,
Mai muqadar nahi, jo badalta rahon,
Bin kahay bin sunay
Mai nahi tash’na lab jo saraboun ki ahat pay chalta rahon
Mai bagola nahi jo hawa k esharay pay chalta rahon,
Mai tere shehr k sangdil rastoun ka sataya hoa, ik musafir hon
Jis ki girah mai faqt arzoo hay, nigahoun mai tu hay
Mai tere jan’nisaroun k anboh say hon
Tere wastay hon
Tu mujhay janta bhi na ho tau tajub nahi,
Haan tere wastay tau mere saath k
Sainkroun hain yahan, khak-e-barsar
Pareshan nazar, be-nishan
Na’shanasi ki qatil hawa say bachain kis tarha
Aur jain kahan??
aay tamana’ye jan!!
Ajnabeyat k es shehr-e-gumnam mai
Mai tere naam k ik masloub hon
wapsi k liay koi rasta nahi
Tu bhi milta nahi
Mubarak hon tujhay tere kum go’eyan
Tujh ko dhoundon kahan!!
Mere ehsas-e-jan ki namu tujh say hay,
Mai agar saip hon a’bro tujh say hay,
Phool hon mai agar rang-o-bou tujh say hay
Aur agar jism hon tau lahou tujh say hay.
This entry was posted in Poetry. Bookmark the permalink.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s