tum mairi ankh kay tiaver na bhula paoo gay
an kahi baat ko samjhoo gay to yaad aoon ga
ham nay khooshion ki tarah dukh bhee akathay daikhay
safha i zesat ko paltoo gay to yaad aoon ga
iss judai main tum andar say bikhar jaoo gay
kissi mazoor ko daikhoo gay to yaad aoon ga
issi andaz main hootay thay mukhatib mujh say
khat kissi aur likhoo gay to yaad aoon ga
mairi khooshboo tumhian khoolay gi gulaboon ki tarah
tum agar khood say na bolo gay to yaad aoon ga
sard raatoon kay mehaktay howay sannatoon main
jab kissi phool ko chomo gay to yaad aooon ga
ab to yeah ashak main honton say chura laita hoon
haath say khood inhain ponchoon gay to yaad aoon ga
shal pehnay ga ab koan december main tumhain
barishoon main kahbee bheego gay to yaad aoon ga
hadsay ain gay jaivan main to tum ho kay nadhal
kissi devar ko thamoo gay to yaad aoon ga
iss main shamil hai mairay bakhat ki tariki bhee
tum saih rang jo pehnoo gay to yaad aoon ga
